文章分類: My Big Day (Cake Cake's World)

婚紗照~

lamcakecake — Thu, 09 Oct 2008 22:15:12 +0800

話咁易, 我同BF的婚紗照咁就完成了

今次個台灣影相之旅真係好開心!!! 如果各位計劃緊去台灣影相的話, 我都會推薦我剛剛試過的呢一間!!
等我同大家分享吓我影相的快樂吧~

lamcakecake — Sat, 14 Jun 2008 12:21:40 +0800

尋晚相約了一個攝影師Lewis在CWB的咖啡室見面, 主要係想睇吓佢之前D作品同埋了解吓佢team人啱唔啱我哋...成個過程都唔錯, 在比相我哋睇的同時, 佢都會講番當日拍攝時所遇到的趣事和難題, 有趣有趣!

睇睇吓相, 見佢不停咁有電話打黎, 我諗星期五晚上有約應該唔出奇, 我都唔想用佢咁多時間, 正在wrap up, 考慮立即confrim用佢, 或是睇多數個攝影師先, 忽然見到BF的一對朋友走過同我哋say hi...咁啱?!

哈哈, 真係估佢唔到, 原來之前不停打比個Lewis嗰個就係佢哋!! 佢哋係約咗Lewis confirm個package, 哈哈, 我哋無約定架! 之前又無交換過揾攝影師的資料, 又會咁啱?!!

我哋都好開心, 好似有更多信心咁! 咁我同BF都唔諗咁多了, 立即confirm用佢!! 哈哈, 當然唔少得要佢比少少折扣我哋啦, 同時間有兩單confirm喎!! Lewis都好搞笑, 即刻笑問吓我哋係咪一早約好, 哈哈, 又真係好似一宗騙局喎!!

lamcakecake — Sun, 04 May 2008 23:05:55 +0800

前陣子, BF無端端問我, "你會唔會寫我哋兩個的事在blog上?"

我覺得呢個問題有D得意, 佢的意思係咩呢
我連佢為食呢樣嘢都有寫架喎,,,點解佢仲會咁問呢?......答案一, 佢無睇我個blog, (但無可能, 佢有時有留言架喎?!), 答案二, 有D佢以為我會寫的東西我無或未寫! (我諗係咁!!)