今次個標題有D沉鬱...其實係一本書的名字, 係我喺台灣誠品買回來的.  原名"The Invention of Solitude" by Paul Auster. 
我其實今晚剛剛開始睇頭數頁,,,所以我唔係想講讀後感.  我只係想同大家分享吓, 我心裏所受到的震撼! 可能"震撼"呢兩個字係誇張咗D...
個故事係講作者的爸爸去世了, 他突然覺得, 爸爸就好似一個隱形人咁, 其他人會覺得他好似唔存在過咁, 因為他個人比較收埋自己, 所以同任何人的聯繫都好少, 可以話冇!...我只係睇咗咁多, 根據簡介, 故事發展落去係, 作者去到爸爸屋企整理佢的遺物時, 先開始重新認識自己的爸爸...

呢本書令我諗起我爸爸, 佢都係一個好內向的人, 唔太喜歡分享自己內心所想, 佢又係一個人住...我心諗, 我點先可以放多D時間陪佢呢? 點先可以了解佢多D呢?
又諗, 如果我爸媽冇離婚, 咁我同佢哋兩個一起的時間可以多好多,,,或者咁講, 我又可以放心D, 因為佢哋可以照顧大家...當然我冇埋怨過佢哋離婚一事, 因為佢哋一起時我仲難受, 因為佢哋成日嘈交!
跟住我就諗, 咁我一定要好好維繫一個家, 我唔會想我未來的子女唔開心...
又諗, 到底多唔多老人會好似作者個爸爸咁孤獨呢?
好多好JUMPY的思路...我只係睇咗數頁!

一向我只喜歡睇輕鬆的書, 因為工作以外我唔想太多用腦! 嘻嘻!
不過我諗我會繼續睇呢本書, 我好想知道作者點樣重新認識佢爸爸, 同埋過程中他的心路歷程...

******************

上個星期某一晚, 突然想起我已經好耐冇用過MSN, 於是想開吓個MSN玩吓, 點知先發現原來我用的MSN VERSION 已經好OUT, 要DOWNLOAD新的!! 頭先同水十十月MSN, 佢話原來我哋兩個上次用MSN傾計係上年十月, 真係實在太誇張了!!!!!!!!!
如果我話你知, 我呢段時間內其實試過上MSN, 但唔知點解上唔到, 我諗你哋都唔會相信點解我可以咁低能!!!

又好似尋日咁, 我買咗部IPOD NANO,,,要DOWNLOAD新的ITUNE,,,有冇諗過居然有人會在呢個咁USER FRIENDLY的DOWNLOAD過程中都可以遇到困難呢? HAHA!!! 好彩我當年冇選讀所有有關電腦的學科!

時間真係過得好好好好好快!!! 諗吓我呢一個月做咗d咩?? 好似好忙咁, 但其實又唔知做咗d咩咁!!!
呀, 我知, 其中一樣係我不停咁担心我bf!
佢12月頭要去印度training, 我本來打算放數天假去陪佢, 同埋去照顧吓佢, 但點知遇上印度911!!!! 一來我又要一個人在香港決定我仲去唔去會合佢, 二來我又好担心佢! 最後我唔想屋企人担心, 所以都冇去到, 結果只有日日在香港担心我bf...都冇心機做其他嘢!

剛剛見到有d blog友仔留咗d言比我, 好開心呀! 喺呢個大家唔見面的blog世界裏, 我真係覺得我哋係朋友!! 多謝各位!!

但諗番以前小學中學時, 我係好唔鍾意瞓覺的!! 你哋又有冇過咁諗法呢?
我唔知係我奇怪, 或者人人都會有咁諗過!

點解唔鍾意瞓覺? 我諗係, 我以前成日想多D時間用, 一日24小時, 瞓覺佔咗8-9小時, 咁就冇咗一日的三分之一, 好唔抵咁! 哈哈, 我都唔知點解以前會有咁奇怪的想法!!! 所以我成日做呢樣做嗰樣, 夜夜都唔瞓! 就算冇咩嘢做都唔去瞓, 寧願睇吓雜誌睇吓電視都唔瞓, 而家諗番都覺得自己好白痴! 白白浪費哂D時間精神! 以前年輕, 即使瞓得少都唔會殘, 日間仲可以好精神, 但我諗其實都會好傷! 例如個黑眼圈係不知不覺間就伴隨住我了!!

到咗大個咗, 出來社會做事, 想瞓多一陣都唔得!! 你話我係咪自己攞黎!!!!!

唔知點解, 今晚突然間又唔想瞓覺......

所以, 近日行書店見到一本書, 名為"新天方夜譚 - 窺視中東", 一睇個title已經吸引到我, 望吓書背的簡介, 唔需要睇內頁我已經去比錢!

作者葉中嫻係一個香港人, 曾任電視台編劇, 後隨外籍丈夫去了中東國家居住, 住久了, 見多了, 體驗多了, 於是寫了此書, 講吓阿拉伯世界的社會情況, 日常生活, 風土人情, 所見所聞, 政治歷史...好有趣!

可能我一向有d偏愛, 所以我對作者寫的每一個topic都好有興趣, 當然, 大家唔可以期望每個話題都可以好詳盡啦, 始終都係散文嘛!
有D內容真係唔講我以前係唔知的, 例如, 原來外國入口的藝術書本, 如果有任何較為暴露的相片或圖案, 佢哋係會有個專責部門去審視, 然後有專人以人手方法去"加工", 好似幫相中的人加番件外套, 亦即係塗黑或畫花某些部位, 作者仲提供咗D例子圖片給讀者睇吓添! 估唔到現今的世界會仲有呢D限制!

一向以來, 我都以為, 作為一個金融界的前線工作者, 由於常常要見人的關係, 當然要打扮得體! 所以, 我一開始做我現在這份工時, 便買了好幾套套裝, 大部份都係黑色的, 感覺專業, 大方又得體!

在這行頭時間長了, 自然會參考吓其他行內人的衣著, 加上人工多了點點, 所以可以買多D靚衫, 例如我的至愛連身裙! 又靚又方便, 加上顏色多了, 自己和給人的感覺都冇咁悶!

直至公司來了一個新女同事, 衣著真是,,,不是我杯茶!!
時而see through, 時而大露背, 時而迷你短裙...好似昨天, 一看見她的一身打扮, 我以為我去錯地方上班!!!!!!
迷你連身裙, 長度剛剛好蓋至pat pat, 下配通花黑色lace絲襪...只要稍稍向前彎腰, 我諗絶對可以知道她的un un是什麼顏色!

如果她的這一身打扮是在蘭桂坊出現, 我諗我會可以接受, 更會多望幾眼, 投以艷羨目光! 但是, 當我在一大清早上班的日子看見這身打扮, 可能我太保守, 我真係一點都接受唔到! 我唔可以把它和專業連上任何關係! 更有點覺得她好似影響緊我們的公司的形象 (如果我工作的公司還有任何形象的話!)
仲有, 她那嗲聲嗲氣的跟客人對話的聲線, 一聲"Sunny哥", "Raymond哥", 我是對方的話心都軟了!!

大部份女同事看見都為之嘩然, 我有諗過, 會唔會係女性之間的妒忌心才令我們特別敏感呢?
睇吓男同事的反應吧! 都係嘩的一聲, 之後就繼續工作, 時不時望多兩眼! 咁又係, 有那個男人唔鍾意欣賞這種免費東西?! 有個已婚同事好坦白, 他的第一個反應是好反感, 但之後補一句 "不過那有男人唔鍾意望!" 陰陰咀笑!!

究竟是我太保守或是她太開放?

的確, 女人做到這一步, 生意額的確會上升得快點, 上司(如果是男人的話)會喜歡她多點...係咪真係咁容易就可以得到客人和老闆的歡心??? 咁難道我要轉型??

我要重申一點, 我是在金融界工作的, 別以為我是在其他服務性行業工作!

(閱讀全文)

朋友介紹, 去咗西營盤的一間跌打睇, 去到有兩個醫師已在診症中, 我唯有要等, 等到有個"病人"睇完, 在門口位置比錢時, 我先發現, 點解呢個人個樣咁熟架呢
之後見到隔離個候診女士好興奮咁, 我知啦, 佢真係吳彥祖!!!
嘩, 成日聽到我D朋友仔話見過佢真人好好好靚仔, 今次輪到我了!!! 仲咁近距離添!! 回想起, 我一入跌打館時, 見到有個人拉高哂件衫比醫師"卒"藥,,,原來係佢黎架!!! 點解我會睇唔到架!!! 簡直"蝕"哂!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

我真係有D緊張!! 哈哈哈!! 佢真人實在好瘦, 都幾黑吓,,,
我無同佢影相呀, 一來我實在已經太開心, 二來我覺得呢個係佢的私人時間我唔想打擾佢. 不過我隔離個女士實在太鍾意佢了, 佢傷到唔方便企起身都要同Daniel影相, 我見Daniel第一個最自然的反應其實係唔太想的(我諗呢個係私人時間嘛, 除非係唔太出名的明星仔, 否則, 有d名氣的都應該想做番個普通人), 不過立即佢又面露笑容咁話無問題, 佢見到位女士唔方便企起身就主動咁話坐喺佢隔離同佢影, 嘩嘩嘩, 我覺得佢真係好好好人!!!

之後輪到我比醫師診症, 我當然問吓佢Daniel係唔係成日去睇跌打啦!! 仲有邊個明星成日去呀?! 嘩, 一問之吓, 原來呢間係明星跌打館, 好多明星都黎架!!! 佢咁講, 我諗我之後都會乖乖地每日去覆診!! 

唔知聽日會見到邊個呢?!

- 唔專心, 一時做吓呢樣, 轉頭又走去做另一樣!
- 愛恨分明, 唔知係好定唔好呢?!
- 自相矛盾, 一時一樣! 想完呢樣想另一樣!
- 耳仔軟, 好易信人

我真係好難揀當中一樣我最最鍾意喎!

真係諗唔到, 每一分鐘都係有佢的價值,,,或者我應該話, 到目前為止, 我生命中有好多珍貴的一刻, 開心的一刻, 所以我揀唔到最特別的一刻!

６）如果你走到人生的盡頭了，那在你人生最後的一段歲月，你會做什麼？

呢條問題有d傷感咁喎,,,
我諗我會想同我愛的家人和朋友一齊, 同佢哋講我好珍惜同佢哋之間的緣份和一切!

我覺得好有意思!

(閱讀全文)

相信有d人都會見過以下的情話句子, 尋日收到個朋友的forward email, 由頭到尾睇一次又覺得好開心咁，一邊睇一邊想像真係有個型男情深情地同我講呢ｄ情話!
哈哈, 我知我好無聊, 你由得我發吓夢啦! 嘻嘻!!!

The UK's 8 Cheesiest Chat Up Lines:
*Your dad must be a thief because he stole the stars and put them in your eyes - Calum Best
*If I were to rearrange the alphabet I would put U and I together - Carol Vorderman
*I must be in heaven because I can see an angel - Mario Marconi
*Did it hurt when you fell from heaven? - Cristiano Ronaldo
*Here's 10p - go phone your mum and tell her you won't be coming home tonight -  Jodie Marsh
*You're under arrest. The charge - trespassing in my dreams - Rhys Ifans
*You must be tired because you've been running through my mind all day - Lee Sharpe
*Do you have a map? Because I keep getting lost in your eyes - Darius Danesh
"Do you have any raisins? How about a date?" - by Michael Garcia
"Are you Jamaican, because you're Jamaican me crazy" - by Michael Garcia

嘩, 真係要講句, 時間真係過得太快!!!

有時候諗, 呢個年代, 咩時候生小朋友先至係最好呢?

支持婚後早D生的:
- 趁後生身體好時生, 個B都會健康D!
- 有父母幫手照顧BB
- 早D生, 然後又可繼續在職場拼博
- 同仔女的代溝會少D

支持唔駛咁早生的:
- 呢個時代大部份人都遲婚/遲生, 唔駛咁早!
- 梗係享受吓二人世界先啦! 生咗BB後, 休想再可二人甜蜜去旅行!!
- 經濟能力好D
- 咁早生會影響工作

當然理據仲有好多啦, 不過我諗"雙方"都爭持不下...
噢, 見到朋友有喜, 太開心之餘, 東諗西諗一番添!

結論都係只得一句,,,時間過得實在太快了!!! (唔認老都唔得?!!??!!!)

其中一篇頗有趣, 係關於錫錫的禮儀!
作者對於見面時的"錫面禮"頗抗拒, 不過亦因為有時要迫不得意下行這"錫面禮", 所以在文章中列出了一些歐洲國家的錫面禮儀讓大家參考:

法國: 錫四次, 左右左右
荷蘭: 錫單數次數: 左右左, 或右左右
意大利: 無例, 任錫
西班牙和北歐國家: 錫兩下, 一定係右面先
英國和德國: 少錫, 握手穩陣D

我覺得真係有參考價值! (假設佢所講的正確無誤!)
我就曾經試過, 同一個埃及人見面, 見面時他突如其來的"錫面禮", 仲係三次的那種, 把我來個措手不及! 尷尬極了!!!
到了說拜拜時, 我又忘記咗係三個錫錫而唔係兩個, 又一次尷尬! 冇撞到面已經偷笑!

跟住我又繼續享受我本"芒果書",,,睇睇吓, 發現呢本原來真係一本文學著作, 書後仲有導讀添! 值得一睇!

(閱讀全文)

首先講吓個作者先, 佢叫"H", 係一個網路作家, 我之前未睇過網路小說, 睇完呢本書後先上網揾吓佢的網上小說, 都見到有呢本小說, 不過只連載了一半, 要睇哂個故事, 就一定要買佢本書了! 我唔知佢咁做(只連載一半)啱唔啱, 正面咁諗, 佢都要開飯!! 負面咁諗, 咁佢呢個故事仲可唔可以叫連載小說呢?

講番個故事先, 個開埸都幾吸引
女主角比男朋友拋棄, 回復單身後, 有日突然收到封email, 來電郵者話自己係佢未來的老公, 叫女主角要點要點, 去揾她的那個未來老公!
好得意咁, 一開始睇, 已令我好想睇落去, 睇吓封email係有人玩佢, 或呢個其實係一個科幻故事呢?
之後又開始講吓女主角同呢個未來老公的相識過程,,,,,,(唔講咁多了, 以免你哋會睇呢本書)

至於個故事結局都有d出人意表架!

整體上, 呢本係一本小品, 用來消磨時間唔錯, 不過個故事好似無咩深道, 無咩大智慧可言.  亦都因為咁, 我先至可以用短時間喺書局睇哂本書, 因為其實唔駛點用腦!