話咁易, 我同BF的婚紗照咁就完成了

今次個台灣影相之旅真係好開心!!! 如果各位計劃緊去台灣影相的話, 我都會推薦我剛剛試過的呢一間!!
等我同大家分享吓我影相的快樂吧~

第一日到埗後, 時間尚早, 同bf去西門行咗一陣, 飲咗個靚咖啡, 仲食咗個早晚飯 (美味的鰻魚飯)之後, 就去影樓揀衫, 準備第二天的拍攝!

一揀就揀咗四個鐘, 當然包埋同攝影師見個面, 商量吓去咩景點影相好啦~

第二天, 八點鐘就要去到影樓了!
哈哈, 原以為我會緊張到瞓唔着, 點知反而係顧住睇台灣d搞笑節目而唔想瞓! 嘻嘻! 最後仲要迫自己唔好再睇快d瞓先得!
講番去到影樓, 化妝師開始幫我同bf化妝...大約10點半出發!! 好好陽光呀~! (你知嘛, 影完相之後三天不停落雨, 我哋真係幸運了!)

第一個景點係遊樂場, 因為陽光太猛烈, 我未影已開始流汗! 不過我哋玩得好開心~反而見到個攝影師汗流浹背咁, 又攞住好多同好重的攝影器材, 時企時坐的幫我哋從多角度拍照...雖然, 佢係受薪的, 當見他如此投入, 我哋都好尊敬佢的專業!!

以前未影過戶外婚紗照, 一直有個疑問,,,唔知中途係點樣換衫換妝的呢?
而家知道了! 如果有洗手間 (例如在遊樂場), 當然就會用洗手間換衫, 跟住找個有冷氣的地方化妝!
但如果冇洗手間 (例如我們的第二個景點-郊外),,,嘩! 我真係估唔到呢隊團隊都好prof 吓! 佢哋突然從車內攞咗個可摺合的帳篷出來, 有成個人咁高! 我可以走入去, 拉埋拉鍊換衫! 佢哋仲有可摺合的椅子比我哋坐住黎化妝添! 我唔知係咪所有的攝影公司都咁detail, 至少我好滿意呢一隊團隊的服務!

大概四點半左右,  喺沙灘玩完之後, 我哋就返回影樓! 有個飯盒已經在影樓等我了, 哈哈! 雖然只係一個簡單的便當, 但我哋都覺得唔錯!

飯後, 休息一陣, 我哋就開始影室內景, 佢哋有兩層的室內景可供拍攝, 我哋影咗好多不同的背景, 都好鍾意! 一影就影到9點, 又唔係好攰咁喎, 我同BF之後仲去咗士林夜市食豪大大雞扒添! 嘻嘻!!

第三天, 揀相日!
之前已計劃好唔可以揀咁多相,,,到最後, 耳仔軟, 又好鍾意D相,,,放低咗唔少$先離開! 哈哈, 唔好問我用咗幾多錢呀! 總之就多過我原本估計的吧!
不過, 唔買都買了, 我唔諗了, 而家只係好期待十一月中左右會寄到我屋企的相!!

開心的經驗!!