全城哈囉喂! (Cake Cake's World)

cakecake | 2nd Oct 2008 | Weekend Fun

前晚同三個女朋友仔一行四人去玩哈囉喂, 我今次已經係第二次去了, 兩年前同BF去, 佢當然負責保護我啦, 所以我唔怕! 今次, 我哋四個女仔都係好細胆, 所以,,,仲未去我哋已經有D驚 emotion

由於人山人海, 我哋又要去玩滑浪飛船和越礦飛車, 所以我哋只係玩咗三個鬼屋 - "大豪'嚇'娛樂城", "厲鬼邨"同埋"戲棚驚夢", 本來仲想玩埋"廣昌隆謀殺案", 但實在太多人了, 所以只好放棄!

至於好唔好玩, 我覺得其實同我上次去差唔多, 不過D鬼屋個主題唔同咗囉, 我覺得"戲棚驚夢"最能夠表玩出個主題, 但"大豪'嚇'娛樂城"就一D都唔娛樂城, 我同朋友仔玩完後都冇印象間屋裏面有D咩!

海洋公園話今年多咗好多鬼, 我哋又唔覺得喎!

emotion emotion emotion emotion emotion emotion emotion emotion emotion emotion
呢十個驚嚇唔係比海洋公園哈囉喂的, 而係比日本富士急樂園的病院鬼屋的...今日我在網上surfing時, 意外地揾到有關呢間鬼屋的資料...唔知大家有冇去過呢?

我大學時期去過呢個樂園, 不過因為太多人排隊玩呢間鬼屋, 所以我當時無玩, 今日睇咗個簡介, 真慶幸我當年無玩到!!!!!!!! emotion

從網上得知, 呢間病院鬼屋, 每次只會比三數個人入內, 但間鬼屋真係成間病院咁大! 一諗已經怕怕! 一入內, 首先會有個陰森的人同大家講解吓, 跟住就會播放一段好恐怖的短片, 之後就每人給一支電筒, 開始恐怖的旅程! emotion
間屋內成個迷宮咁, 如果在毫無行錯路的情況吓, 都要用40分鐘先可以行完! 40分鐘喎!!! 真係咩事都可以發生!
仲有, 行咗大約一半路程之後, 就會有人走埋黎收咗大家的電筒, 嘩!! 咪仲黑!!
我諗我真係會驚到腳都軟! 有個網友話佢玩完呢間鬼屋後有種虛脫感, 因為要狂叫奔跑和尖叫!

日本人真係細心, 為了怕有人玩玩吓頂唔住, 佢哋設置咗D緊急出口, 等你可以中途棄權.

你敢唔敢玩?

留言(11) | 引用(0) | 話題(隨便講~)

[1]

哈囉喂玩了一次都已經唔想玩，我無尖叫，係叫唔出，個人持續警惕狀態，好累，日本這個更加不要預我了。

[引用] | 作者小靜 | 2nd Oct 2008 | [舉報垃圾留言]

[2]

我覺得日本人係設計呢d game係特別出色架～
我當年去富士急，都冇去到！不過聽完你咁講，我一定唔去啦！

[引用] | 作者水十十月 | 3rd Oct 2008 | [舉報垃圾留言]

[3]

哈哈!富士急呢個精神病院我去過啦!初初入去會排排坐睇一段短片,之後會正式開始冒險旅程.無錯,佢話如果你一直都找不到出口,係可以在裡面困住40分鐘之久...不過我可以話你知,以香港人的頭腦應該約20分鐘左右就會找到出口.至於整個過程都好緊張,環境好黑之餘又要忙於找出路,間中會有D真人扮既病人係櫃,床下低跳出來嚇你,不過感覺都唔係好驚,可能D"病人"makeup太普通,成身崩帶又或者加兩滴血,另外如果佢知你係外國人會收檢一下...

後來我反而去過後樂園一個特別限定的鬼屋,主題係圍繞著一位好經典的恐怖漫畫家"楳圖一雄"的作品(例如"漂流教室",神之左手惡魔之右手"等).情景做得唔錯之餘記得去到最後出口時有對手突然從後覽緊你真係有D俾佢嚇親!! emotion

[引用] | 作者 kenken | 3rd Oct 2008 | [舉報垃圾留言]

[4] Re: kenken

kenken : 哈哈!富士急呢個精神病院我去過啦!初初入去會排排坐睇一段短片,之後會正式開始冒險旅程.無錯,佢話如果你一直都找不到出口,係可以在裡面困住40分鐘之久...不過我可以話你知,以香港人的頭腦應該約20分鐘左右就會找到出口.至於整個過程都好緊張,環境好黑之餘又要忙於找出路,間中會有D真人扮既病人係櫃,床下低跳出來嚇你,不過感覺都唔係好驚,可能D"病人"makeup太普通,成身崩帶又或者加兩滴血,另外如果...

漂流教室的情節?好正喎...

[引用] | 作者水十十月 | 3rd Oct 2008 | [舉報垃圾留言]

[5] Re: 水十十月

水十十月 : kenken : 哈哈!富士急呢個精神病院我去過啦!初初入去會排排坐睇一段短片,之後會正式開始冒險旅程.無錯,佢話如果你一直都找不到出口,係可以在裡面困住40分鐘之久...不過我可以話你知,以香港人的頭腦應該約20分鐘左右就會找到出口.至於整個過程都好緊張,環境好黑之餘又要忙於找出路,間中會有D真人扮既病人係櫃,床下低跳出來嚇你,不過感覺都唔係好驚,可能D"病人"makeup太普通,成身崩帶又或者...

水兄唔知你有冇睇過漂流教室呢套漫畫?我第一次睇時真係驚到訓唔著,後來某出版社重出精裝版,再看之下雖然冇咁驚,但作者最拿手表現竭斯底理的表情最令我深刻!

至於個主題鬼屋內容係包含了楳圖一雄的人氣作品,當中當然有漂流教室的情景啦~~!

[引用] | 作者 kenken | 3rd Oct 2008 | [舉報垃圾留言]

[6] Re: kenken

聽你講完仲驚！我無睇過漂流教室，它在我心中是令人不安的漫畫。

[引用] | 作者小靜 | 3rd Oct 2008 | [舉報垃圾留言]

[7] Re: 小靜

小靜 :
聽你講完仲驚！我無睇過漂流教室，它在我心中是令人不安的漫畫。

我未聽過漂流教室呀,,,不過你咁講, 我諗係好可怕的漫畫吧!

[引用] | 作者 cakecake | 4th Oct 2008 | [舉報垃圾留言]

[8] Re: 水十十月

水十十月 :
我覺得日本人係設計呢d game係特別出色架～我當年去富士急，都冇去到！不過聽完你咁講，我一定唔去啦！

我第一個反應都係同你一樣, 不過再諗多兩諗又有少少好奇想試吓!

[引用] | 作者 cakecake | 4th Oct 2008 | [舉報垃圾留言]

[9] Re: kenken

kenken :
哈哈!富士急呢個精神病院我去過啦!初初入去會排排坐睇一段短片,之後會正式開始冒險旅程.無錯,佢話如果你一直都找不到出口,係可以在裡面困住40分鐘之久...不過我可以話你知,以香港人的頭腦應該約20分鐘左右就會找到出口.至於整個過程都好緊張,環境好黑之餘又要忙於找出路,間中會有D真人扮既病人係櫃,床下低跳出來嚇你,不過感覺都唔係好驚,可能D"病人"makeup太普通,成身崩帶又或者加兩滴血,另外如果...

太好了, 你去過可以分享吓~~

我都去過後樂園的鬼屋, 不過唔知係咪特別限定的...我記得間鬼屋要限住兩個人一齊入去, 一個坐係張輪椅, 對手有扣扣住, 另一個負責推輪椅, 我同一個男性朋友去, 當然係我負責坐, 坐嗰個係仲驚!! 一來係行頭嗰個, 二來係有時個partner驚時, 佢可以完全唔理我!!!
正如水十十月所講, 日本人設計的真係特別出色新穎!

[引用] | 作者 cakecake | 4th Oct 2008 | [舉報垃圾留言]

[10] Re: cakecake

cakecake : kenken :哈哈!富士急呢個精神病院我去過啦!初初入去會排排坐睇一段短片,之後會正式開始冒險旅程.無錯,佢話如果你一直都找不到出口,係可以在裡面困住40分鐘之久...不過我可以話你知,以香港人的頭腦應該約20分鐘左右就會找到出口.至於整個過程都好緊張,環境好黑之餘又要忙於找出路,間中會有D真人扮既病人係櫃,床下低跳出來嚇你,不過感覺都唔係好驚,可能D"病人"makeup太普通,成身崩帶又或者加...

我相信後樂園會久不久改變下鬼屋的主題.想當年我地都係在日本睇緊Tokyo Walker見佢個恐怖度排位唔錯先去試...

不過有時雜誌都唔可以盡信.個次我們又選了雜誌說第三位恐怖的鬼屋去玩(在淺草一間中好舊的遊樂場內).玩完真係想佢回水,皆因它跟當年荔園鬼屋的效果差不多! emotion