首先, 要話你知我又開心又感動, 闊別SINA BLOG咁耐, 大家都仲記得我!!! 多謝你哋!!!!!

今次個標題有D沉鬱...其實係一本書的名字, 係我喺台灣誠品買回來的.  原名"The Invention of Solitude" by Paul Auster. 
我其實今晚剛剛開始睇頭數頁,,,所以我唔係想講讀後感.  我只係想同大家分享吓, 我心裏所受到的震撼! 可能"震撼"呢兩個字係誇張咗D...
個故事係講作者的爸爸去世了, 他突然覺得, 爸爸就好似一個隱形人咁, 其他人會覺得他好似唔存在過咁, 因為他個人比較收埋自己, 所以同任何人的聯繫都好少, 可以話冇!...我只係睇咗咁多, 根據簡介, 故事發展落去係, 作者去到爸爸屋企整理佢的遺物時, 先開始重新認識自己的爸爸...

呢本書令我諗起我爸爸, 佢都係一個好內向的人, 唔太喜歡分享自己內心所想, 佢又係一個人住...我心諗, 我點先可以放多D時間陪佢呢? 點先可以了解佢多D呢?
又諗, 如果我爸媽冇離婚, 咁我同佢哋兩個一起的時間可以多好多,,,或者咁講, 我又可以放心D, 因為佢哋可以照顧大家...當然我冇埋怨過佢哋離婚一事, 因為佢哋一起時我仲難受, 因為佢哋成日嘈交!
跟住我就諗, 咁我一定要好好維繫一個家, 我唔會想我未來的子女唔開心...
又諗, 到底多唔多老人會好似作者個爸爸咁孤獨呢?
好多好JUMPY的思路...我只係睇咗數頁!

一向我只喜歡睇輕鬆的書, 因為工作以外我唔想太多用腦! 嘻嘻!
不過我諗我會繼續睇呢本書, 我好想知道作者點樣重新認識佢爸爸, 同埋過程中他的心路歷程...

嘩!! 好耐冇寫過BLOG了, 有段時間我覺得寫BLOG要好多恒心, 好多COMMITMENT咁, 所以一停寫了一段時間就唔太敢再寫, 怕寫一兩次後又KEEP唔到成日寫...就係咁, 一停就停左差唔多成年!!!

近日, 唔知點解突然又好想寫吓野,,,於是同自己講, 其實可以輕鬆D, 唔需要諗咁多...好多時, 係自己給自己太多要求, 太多自以為好重要的COMMITMENT.  其實對其他人來說, 可能是微不足道!

******************

上個星期某一晚, 突然想起我已經好耐冇用過MSN, 於是想開吓個MSN玩吓, 點知先發現原來我用的MSN VERSION 已經好OUT, 要DOWNLOAD新的!! 頭先同水十十月MSN, 佢話原來我哋兩個上次用MSN傾計係上年十月, 真係實在太誇張了!!!!!!!!!
如果我話你知, 我呢段時間內其實試過上MSN, 但唔知點解上唔到, 我諗你哋都唔會相信點解我可以咁低能!!!

又好似尋日咁, 我買咗部IPOD NANO,,,要DOWNLOAD新的ITUNE,,,有冇諗過居然有人會在呢個咁USER FRIENDLY的DOWNLOAD過程中都可以遇到困難呢? HAHA!!! 好彩我當年冇選讀所有有關電腦的學科!

剛剛一睇, 原來我對上一篇blog已是個多月前寫的

時間真係過得好好好好好快!!! 諗吓我呢一個月做咗d咩?? 好似好忙咁, 但其實又唔知做咗d咩咁!!!
呀, 我知, 其中一樣係我不停咁担心我bf!
佢12月頭要去印度training, 我本來打算放數天假去陪佢, 同埋去照顧吓佢, 但點知遇上印度911!!!! 一來我又要一個人在香港決定我仲去唔去會合佢, 二來我又好担心佢! 最後我唔想屋企人担心, 所以都冇去到, 結果只有日日在香港担心我bf...都冇心機做其他嘢!

剛剛見到有d blog友仔留咗d言比我, 好開心呀! 喺呢個大家唔見面的blog世界裏, 我真係覺得我哋係朋友!! 多謝各位!!

我諗好多人都識南記粉麵, 佢有數間分店, 不過因為我在中環番工, 所以幫襯得最多的當然係中環嗰間啦!

唔好意思, 我今次無影相呀! 不過其實佢哋D麵賣相係好一般的, 所以影唔影都無所謂!
佢哋出名的係酸辣米線, 不過我見有唔少人都會食其他粉麵, 我自己只係食過酸辣米線, 所以我只會話比大家知, 我覺得D酸辣米線好好味呀!!!至於其他粉麵, 要下次試吓先知!

我成日會食魚肉春卷酸辣米線, 配料有酸菜, 芽菜, 腐皮, 肉碎, 好足料, 又好味!!
除咗有魚肉春卷, 仲有好多其他料揀! 例如, 牛腩, 菜肉餃, 貢丸, 牛展, 豬腩肉, 大腸等等...
個酸辣湯底好醒胃, D魚肉春卷有炸過的腐皮包住, 外香內軟, 酸菜酸得剛剛好, 唔會過酸!
加多杯豆漿, 一流!

碗麵係25蚊, 豆漿細杯係5蚊, 大杯係8杯, 相當抵食!!

通常我一個人無飯局時就會去食! 所以成日會周圍望吓其他人, 好多人都會一個人去食, 真係咩人都有, 有MK look的後生仔, 有剛做完gym的年輕人, 有剛放工的白領, 有causal打扮的藍領, 有冒名而來的旅客...你想像吓碗麵的吸引力真係好大, 滲透至唔同階層!

不過近兩三次去食時, 都心情複雜, 一來有得食酸辣米線我好開心, 但另一方面, 我食的時候都聽到附近的人談及有朋友給公司栽員栽了! 心情立即一沈, ai...金融危機的確發生緊, 真係有d驚!

都係食多d$25麵, 慳d錢!

人越大就越鍾意瞓覺, 你係咪都係咁呢?

但諗番以前小學中學時, 我係好唔鍾意瞓覺的!! 你哋又有冇過咁諗法呢?
我唔知係我奇怪, 或者人人都會有咁諗過!

點解唔鍾意瞓覺? 我諗係, 我以前成日想多D時間用, 一日24小時, 瞓覺佔咗8-9小時, 咁就冇咗一日的三分之一, 好唔抵咁! 哈哈, 我都唔知點解以前會有咁奇怪的想法!!! 所以我成日做呢樣做嗰樣, 夜夜都唔瞓! 就算冇咩嘢做都唔去瞓, 寧願睇吓雜誌睇吓電視都唔瞓, 而家諗番都覺得自己好白痴! 白白浪費哂D時間精神! 以前年輕, 即使瞓得少都唔會殘, 日間仲可以好精神, 但我諗其實都會好傷! 例如個黑眼圈係不知不覺間就伴隨住我了!!

到咗大個咗, 出來社會做事, 想瞓多一陣都唔得!! 你話我係咪自己攞黎!!!!!

唔知點解, 今晚突然間又唔想瞓覺......

唔知點解, 我都中東特別有興趣!
例如, 早在八年前, 當大家對杜拜仲好陌生時, 我已會選擇去杜拜作為我的暑假旅行之地!

所以, 近日行書店見到一本書, 名為"新天方夜譚 - 窺視中東", 一睇個title已經吸引到我, 望吓書背的簡介, 唔需要睇內頁我已經去比錢!

作者葉中嫻係一個香港人, 曾任電視台編劇, 後隨外籍丈夫去了中東國家居住, 住久了, 見多了, 體驗多了, 於是寫了此書, 講吓阿拉伯世界的社會情況, 日常生活, 風土人情, 所見所聞, 政治歷史...好有趣!

可能我一向有d偏愛, 所以我對作者寫的每一個topic都好有興趣, 當然, 大家唔可以期望每個話題都可以好詳盡啦, 始終都係散文嘛!
有D內容真係唔講我以前係唔知的, 例如, 原來外國入口的藝術書本, 如果有任何較為暴露的相片或圖案, 佢哋係會有個專責部門去審視, 然後有專人以人手方法去"加工", 好似幫相中的人加番件外套, 亦即係塗黑或畫花某些部位, 作者仲提供咗D例子圖片給讀者睇吓添! 估唔到現今的世界會仲有呢D限制!

究竟怎樣為之專業的衣著??!

一向以來, 我都以為, 作為一個金融界的前線工作者, 由於常常要見人的關係, 當然要打扮得體! 所以, 我一開始做我現在這份工時, 便買了好幾套套裝, 大部份都係黑色的, 感覺專業, 大方又得體!

在這行頭時間長了, 自然會參考吓其他行內人的衣著, 加上人工多了點點, 所以可以買多D靚衫, 例如我的至愛連身裙! 又靚又方便, 加上顏色多了, 自己和給人的感覺都冇咁悶!

直至公司來了一個新女同事, 衣著真是,,,不是我杯茶!!
時而see through, 時而大露背, 時而迷你短裙...好似昨天, 一看見她的一身打扮, 我以為我去錯地方上班!!!!!!
迷你連身裙, 長度剛剛好蓋至pat pat, 下配通花黑色lace絲襪...只要稍稍向前彎腰, 我諗絶對可以知道她的un un是什麼顏色!

如果她的這一身打扮是在蘭桂坊出現, 我諗我會可以接受, 更會多望幾眼, 投以艷羨目光! 但是, 當我在一大清早上班的日子看見這身打扮, 可能我太保守, 我真係一點都接受唔到! 我唔可以把它和專業連上任何關係! 更有點覺得她好似影響緊我們的公司的形象 (如果我工作的公司還有任何形象的話!)
仲有, 她那嗲聲嗲氣的跟客人對話的聲線, 一聲"Sunny哥", "Raymond哥", 我是對方的話心都軟了!!

大部份女同事看見都為之嘩然, 我有諗過, 會唔會係女性之間的妒忌心才令我們特別敏感呢?
睇吓男同事的反應吧! 都係嘩的一聲, 之後就繼續工作, 時不時望多兩眼! 咁又係, 有那個男人唔鍾意欣賞這種免費東西?! 有個已婚同事好坦白, 他的第一個反應是好反感, 但之後補一句 "不過那有男人唔鍾意望!" 陰陰咀笑!!

究竟是我太保守或是她太開放?

的確, 女人做到這一步, 生意額的確會上升得快點, 上司(如果是男人的話)會喜歡她多點...係咪真係咁容易就可以得到客人和老闆的歡心??? 咁難道我要轉型??

我要重申一點, 我是在金融界工作的, 別以為我是在其他服務性行業工作!

呢排在facebook見到唔止一個朋友post咗同Prison Break型男主角Wentworth Miller的大poster影相, 有d好奇, 望真d...

今日lunch time, 同事介紹附近開咗間新店, 好western style, 又好味, 當然要試試啦!

呢間Deli係不設堂食的, 一點未夠去到已經唔少人在店內買緊lunch.  大部份都係外國人...見到咁多外國人買, 我諗d食物質素唔會差! at least, 我諗食物會真係好正宗new york style!

昨日去咗boat trip, 玩wakeboard, 點知一個唔小心, 整親個膝頭,,,結果今日要枴吓枴吓咁行路! 聽人哋講, 我受傷嗰個位好易係傷到韌帶, 唔理佢會好長手尾, 所以我都唔敢怠慢, 早D放工去睇跌打!

朋友介紹, 去咗西營盤的一間跌打睇, 去到有兩個醫師已在診症中, 我唯有要等, 等到有個"病人"睇完, 在門口位置比錢時, 我先發現, 點解呢個人個樣咁熟架呢
之後見到隔離個候診女士好興奮咁, 我知啦, 佢真係吳彥祖!!!
嘩, 成日聽到我D朋友仔話見過佢真人好好好靚仔, 今次輪到我了!!! 仲咁近距離添!! 回想起, 我一入跌打館時, 見到有個人拉高哂件衫比醫師"卒"藥,,,原來係佢黎架!!! 點解我會睇唔到架!!! 簡直"蝕"哂!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

我真係有D緊張!! 哈哈哈!! 佢真人實在好瘦, 都幾黑吓,,,
我無同佢影相呀, 一來我實在已經太開心, 二來我覺得呢個係佢的私人時間我唔想打擾佢. 不過我隔離個女士實在太鍾意佢了, 佢傷到唔方便企起身都要同Daniel影相, 我見Daniel第一個最自然的反應其實係唔太想的(我諗呢個係私人時間嘛, 除非係唔太出名的明星仔, 否則, 有d名氣的都應該想做番個普通人), 不過立即佢又面露笑容咁話無問題, 佢見到位女士唔方便企起身就主動咁話坐喺佢隔離同佢影, 嘩嘩嘩, 我覺得佢真係好好好人!!!

之後輪到我比醫師診症, 我當然問吓佢Daniel係唔係成日去睇跌打啦!! 仲有邊個明星成日去呀?! 嘩, 一問之吓, 原來呢間係明星跌打館, 好多明星都黎架!!! 佢咁講, 我諗我之後都會乖乖地每日去覆診!! 

唔知聽日會見到邊個呢?!